Хэвлэл мэдээллийн олон ургальч байдлын эрсдлийн үнэлгээ

Хэвлэл мэдээллийн зах зээл төвлөрсөн байна уу, хэрэв тийм бол ямар түвшинд? Хэвлэл мэдээллийн төвлөрлөөс сэргийлэх эрх зүйн ямар зохицуулалт байдаг вэ? Нийгэмд буй олон янзын дуу хоолой, үзэл бодлыг хязгаарлаж болзошгүй хамгийн том эрсдэл нь юу байна вэ? Монголын хэвлэл мэдээлэл эрх мэдлийг хянаж, ардчиллыг хэрэгжүүлэх хариуцлагатай үүргээ биелүүлэх боломжтой байна уу? Мөн эрх мэдлийг гартаа атгаж байгаа хүмүүстэй хэвлэл мэдээллийн эзэд хэр их хамааралтай байна вэ? Эдгээр асуултад хариу өгөх арван шалгуур үзүүлэлтээр хараат бус хэвлэл мэдээлэл, олон ургальч байдалд учирч буй эрсдлийг үнэлж буй юм.

Хэвлэл мэдээллийн хэрэглэгчдийн төвлөрөл

дундаас дээш

Хэвлэл мэдээллийн эзэмшлийн төвлөрөл

Мэдээлэл байхгүй

Хэвлэл мэдээллийн эзэмшлийн зохицуулалт

өндөр

Хэвлэл мэдээллийн давхар эзэмшлийн төвлөрөл

бага

Хэвлэл мэдээллийн давхар эзэмшлийг зохицуулах эрх зүйн баталгаа

өндөр

Эзэмшлийн ил тод байдал

дунд

Зохицуулалтын баталгаа: Эзэмшлийн ил тод байдал

өндөр

Хэвлэл мэдээллийн хэрэгсэл болон түгээлтийн сүлжээний (улс төрийн) хяналт

өндөр

Хэвлэл мэдээллийн санхүүжилтийн (улс төрийн) хяналт

өндөр

Мэдээллийн агентлагийн (улс төрийн) хяналт

бага

Ил тод байдал

Монголд хэвлэл мэдээллийн эзэмшлийн ил тод байдал хязгаарлагдмал байна. Тухайлбал, судалгаанд хамрагдсан 73 мэдээллийн хэрэгсэл болон тэдгээрийг эзэмшиж буй компаниас 33-ынх нь (45, 21 хувь) мэдээлэл огт байхгүй.

Хэвлэл мэдээллийн зохицуулалт

Хэвлэлийн эрх чөлөөг хуульчилсан хэдий ч, бодит байдалд хязгаарлагдмал байна. Хэвлэл мэдээллийн эзэмшлийн ил тод байдлыг хангах зохицуулалт хангалттай биш. Хэвлэл мэдээллийн байгууллагуудыг бүртгэх, тусгай зөвшөөрөл олгох эрх бүхий бүх байгууллага засгийн газарт харьяалагддаг.

Эзэмшил

Гурван сая хүн амтай Монгол улсад 500 гаруй мэдээллийн хэрэгсэл оршиж буй. Энэ нь хэвлэл мэдээллийг бизнесийн зорилгоор бус, ашиг сонирхлын үйлчилгээ хэлбэрээр бий болгож буйг илэрхийлэх мэт.

Ашиг сонирхол

Хэвлэл мэдээллийн эзэмшлийн мониторингийн судалгаанд хамрагдсан мэдээллийн хэрэгслийн дийлэнх нь шууд болон шууд бусаар аль нэг улс төрийн нам, эсхүл улс төрчтэй хамааралтай байна. Тодруулбал, судалгаанд хамрагдсан 39 байгууллагын 29 нь буюу 74,36 хувь нь улс төрийн хамаарал бүхий эзэн, хөрөнгө оруулагчтай.

Төлбөртэй мэдээ

Төслийн багийнхан улс төр ба мэдээллийн хэрэгслийн уялдаа шүтэлцээг ил болгох зарим жишээ баримтыг цуглуулсан юм. Үүнд монголын хэвлэл мэдээллийн мэргэжлийн нэр хүнд, итгэл үнэмшлийг хөсөрдүүлж буй захиалгат мэдээ, ийм төрлийн мэдээллийг цацуулах зорилго бүхий дарамт, авлигыг илчилсэн сэтгүүлчдэд үзүүлж буй шахалтын эх үүсвэр багтана.